" من نراهم في أحلامنا هم الأحلام ذاتها " ..
عجبتني الدريم كانشر ولو ان فكرتها خرافة كان يؤمن بيها الهنود الحمر وكان يعملوها ويحطوها فوق أي حد بيشوف كوابيس عشان تشيل الكوابيس وتخلي الأحلام الحلوة هيا اللي يشوفها .. الحقيقة ان احنا في حياتنا و واقعنا عندنا كوابيس كتير مفيش أي حاجة تخلينا نهرب منها .. أول ما علقت الدريم كاتشر نمت وانا متحمسة اشوف مين اللي بحبه هيزورني في أحلامي!! بغض النظر عن الحلم الغريب اللي شفتيه يوميها بس قعدت أفكر في كل الكوابيس اللي بحاول دايما اهرب منها في حياتي .. قلت ياريت كل حياتنا سهلة وياريت كل مشاكلنا تخلص في حاجة زي الدريم كانشر .. حاجات بتخنقنا .. ناس بنحبهم وبنحلم نعيش معاهم ونتجنن نتصور نلاقيهم بيعملوا كدة مع غيرنا .. نشوف ناس طيبة بتموت .. او ناس فيهم خير وغلبانين عايشين مرض وحش وبيموتوا ومش قادرين نساعدهم .. لما نكون في مرحلة من حياتنا مش عارفين عايزين ايه وايه اللي ممكن يحصل في حياتنا قدام !! وممكن نخسر مين ومين هيخش حياتنا ..
اصعب حاجة في الدنيا لما تكون أحلامنا متعلقة في أشخاص وبكلمة منهم نكون اسعد ناس في الدنيا وأقل حاجة منهم تديك امل في حياتك وتحسسك انك عايش عشنا ناس بتحبك .. المشكلة لما تكون مشاعرنا اكبر مننا، لما يكون عشمنا غصب عننا، لما نقول ان اللي قدامنا ده لازم يجي يوم ويحس بينا ويعرف قيمتنا ويعرف قد ايه احنا بنحبه وبندعيله حتى وهو بياذينا، وممكن جدا يكون عارف بس مش حاسس او ضامن ان احنا بنسامح ومش عايزين نخسره .. ساعات كتير فكرة زي الدريم كاتشر دي حاجة حلوة وشخصية زي تحبها عشان تهرب بيها من واقع بيوجعها اوي .. اوي ..
كلام اكثثثثثثر من رائع ابداع .. الحلم هذا واقع وامر مفروض على الجميع ( لكل منا حكايتة مع الحلم )
ردحذفامنياتنا واحلامنا هيه بالحقيقه نحن
لا يستطيع الانسان ان يتوقف عن الحلم الحلم نوعا من انواع الامل
لا نستطيع التوقف عن الاحلامممم الحلم هو غذاءءء الروح كما ان الاطعمه غذاء الجسم احلامنا هيه غذاء ارواحنا بما نتمنى
أتمنى من الله ان يحقق لكي كل ماتتمنيه ويسعدك انتي وكل الناس يارب العالمين
أزال المؤلف هذا التعليق.
ردحذف